Өткізіліп жатқан онкүндік аясында гимназиямыздың математика пәні мұғалімі Жаданова Жақсыгүл Абайқызы 7 “Б” сыныбымен алгебра пәнінен “Екі өрнектің айырымының квадраты” тақырыбында ашық сабақ өткізді. Жас ұстаз өзінің жаңашылдығымен, оқушылармен еркін жұмыс жасай алуымен ерекшеленді.  Ашық сабақ барысында түрлі цифрлық технологиялар қолданылып, тақырыптың маңыздылығын аша білді. 

 Онкүндіктің ашылуында таңғы уақытта мектеп фойесінде апталық жоспарға таныстырылым жасалып, мұғалімдер мен оқушыларға логикалық және пәндер бойынша сұрақтар қойылып, дұрыс жауап бергендерге “тәтті сыйлықтар” берілді. Таңғы уақытта оқушылардың көңіл-күйін көтеру мақсатында, роботтар сыйлықтар таратты. 

      Міне, 2023 жылды қорытындылау кезеңі жетті. 2023 жыл гимназия ұжымына талай жеңістер әкелді. Ғылыми жобалар, олимпиадалар, мұғалім шығармашылығының сайыстарында гимназия оқушылары, ұстаздар орасан жеңіске жетті. 2024 жыл да гимназияға шығармашылық табыстар әкеледі деп сенеміз! 

Тарих бірлестігі апталығының 5 күні тарих пәні мұғалімі Данаева Айгерім 9 “ә” сыныбына дүние жүзі тарихынан “Биполярлы жүйе, НАТО мен ВШҰ-ның текетіресі” атты тақырыпта ашық сабағын өткізді. Оқушылар топқа бөлініп, сабаққа белсенді қатысты. Сабақ  соңында оқу ісінің меңгерушісі Сакенова Рахима апай балаларға сөз сөйлеп, жылы лебізін білдірді. 

Тарих бірлестігі апталығының 3 күнінде тарих пәні мұғалімі Торақбаева Гүлжан 8 сыныптар арасында "Қазақстан тарихы" пәнінен олимпиада өткізді. Олимпиаданың мақсаты: оқушылардың тарихи білімдерін тексеру, тарих пәніне деген қызығушылықтарын арттыру. 

Тарих бірлестігі апталығының 3 күнінде өлкетану пәнінің мұғалімі Мәженова Мәдениет апайдың ұйымдастыруымен 10“г” сыныбының оқушылары мектебіміздің түлегі болған композитор, дирижер, күйші Нұрғиса Тілендиев атындағы мұражайға барды. Мұражайға барудағы мақсат: оқушыларға туған өлке тарихына, тұлғаларына деген қызығушылығын қолдау және дамыту. 

Тарих бірлестігі апталығының 2 күні тарих пәні мұғалімі Абдашимов Дидардың 5 “б” сыныбымен “ Ежелгі көшпелілердің баспанасы- киіз үй” атты ашық сабақпен өткізілді. 

“Дене шынықтыру” әдіс бірлестігінің онкүндігінің 6-күні. Алпысбайұлы Самат пен Мұхамбетқызы Жанетта 7,9-сыныптар арасында волейболдан жарыс өткізді. 

Бүгін тарих пән бірлестігі апталығының бірінші күні өтті. Апталық Төле би Әлібекұлының 360 жылдығына орай “Туралықты тұғыр еткен-Төле би” атты кештен басталды. Оқушылар өздері дайындаған тарихи деректер дайындап, “Жеті жарғы”, Төле бидің даналығынан көрініс көрсетті, күйшілер күй ойнап, ән шырқалды

“Дене шынықтыру” әдіс бірлестігінің онкүндігінің 5-күні Джакипбеков Руслан 9-сыныппен ашық сабақ өткізді