Көктемгі демалысты тиімді өткізу мақсатында гимназия оқушылары “Болмаған балалық шақ” фильміне барды.  Тарихи туынды оқушыларға терең ой салып, тағылымды әсер қалдырды. Осындай мәдени шаралар – рухани дамудың маңызды бөлігі!

Гимназия оқушылары көктемгі демалыс уақытында Қазақстан Республикасының Орталық мемлекеттік мұражайына саяхат жасап, тарихи жәдігерлермен танысты. Мұражай залдарында оқушылар қазақ халқының мәдениеті, тәуелсіздік жолындағы күресі және ежелгі дәуірден бүгінге дейінгі тарихи кезеңдер туралы қызықты мағлұмат алды. Бұл саяхат оқушылардың танымдық көкжиегін кеңейтіп, тарихқа деген қызығушылығын арттырды. Мұражайдағы ерекше экспонаттар мен құнды деректер оларды терең ойға жетелеп, ұмытылмас әсер

Оқу ағарту  министрі Бейсембаев Ғани Бектайұлы  100 жылдан астам тарихы бар білім ошақтарының ұжымдарымен Zoom платформасында кездесу өткізді.  Кездесуде 183 жылдық тарихы бар Жәңгір мектебі, 160 жылдық тарихы бар Қызылорда облысы, Қазалы ауданындағы М. Горький атындағы №16 мектеп-лицейі, 162 жылдық тарихы бар Махамбет ауданы Қызылүй орта мектебі сынды тарихи білім ордалары өз іс-тәжірибелерімен бөлісті. Осындай терең тарихы бар мектептер – ел болашағының жарқын кепілі!

Бүгінгі “Тазалық күні” аясында оқушыларымыз көктемгі демалыстарын пайдалы іспен өткізіп, аулаларын тазалап, ағаштар отырғызды. Ортақ еңбектің нәтижесі – таза орта мен жайқалған жасыл желек!  Оқушыларымыздың еңбегін суреттерден тамашалаңыз!

Бүгін мектебімізде ерекше күн болды . Оқушыларымыз тазалық жұмыстарына атсалысып, сыныптарын, дәліздерді, мектеп ауласын ретке келтірді. Көктемгі демалысты таза әрі жайлы ортада қарсы алу үшін оқушылар мен мұғалімдер бірге жұмыс жасап, ауаны тазартып, көңілді атмосфера орнатты. Үстелдер, орындықтар сүртілді. Терезелер ашылып, бөлмелер желдетілді Тазалық – тек айналаны емес, көңіл-күйді де жақсартады! Осындай ортада оқу да, демалу да әлдеқайда жағымды. Оқушылардың белсенділігі мен ұйымшылдығы

Бүгін гимназиямызда  Ұлттық ойын күні ерекше көңіл-күймен өтті. Оқушылар тоғызқұмалақ, асық ату, 5 тас, арқан тартыс, гір көтеру сынды қазақтың дәстүрлі ойындарына белсене қатысып, өз шеберліктерін көрсетті.  Жарыстар барысында логикалық ойлау, ептілік, күш және мергендік сынға түсті. Оқушылар командалық рухты танытып, жеңіске деген жігерлерін көрсетті.  Бұл күн барлығына  көтеріңкі көңіл-күй мен ұмытылмас әсер қалдырды!

Домбыра – қазақтың жаны! Домбыра – халқымыздың қасиетті музыкалық аспабы. Оның күмбірлеген үні қазақтың тарихын, салт-дәстүрін, даланың кеңдігін бейнелейді. Ұлттық болмысымызды сақтап, домбыра челленджіне қатысайық!