Бүгін мектебімізде ұлы ағартушы, зерттеуші, этнограф, ғалым — Шоқан Шыңғысұлы Уәлихановтың 180 жылдығына арналған ерекше іс-шара өтті.  “Талаптың мініп тұлпарын...” атты постерлік баяндама байқауында оқушылар Шоқан Уәлихановтың өмір жолы, ғылымға қосқан үлесі мен саяхаттарынан сыр шертетін креативті жобаларымен бөлісті. Ізденіс, шығармашылық, зерттеу — бәрі осы шарада тоғысты. Бұл — жастардың ғылымға, тарихқа және ұлттық мұраға деген қызығушылығын арттыратын тамаша мүмкіндік болды.

Қазақ тілі мен әдебиеті пәні бірлестігінің аясында ұлы ақын, кемеңгер ойшыл – Абай Құнанбайұлының 180 жылдық мерейтойына орай «Өлең – сөздің патшасы, сөз сарасы» атты өлеңдерімді жатқа оқу байқауы өтеді. 📍 Сайыстың өтетін орны: Ш. Уәлиханов атындағы №12 мамандандырылған гимназия, 219-кабинет🗓️ Күні: 2025 жылдың 20 қазаны⏰ Сағат: 11:00-де Байқауға 8–10 сынып аралығындағы оқушылар қатыса алады.Үздік өнер көрсеткен қатысушыларға мақтау қағаздары мен қаржылай сыйлықтар табысталатын болады.

Сынып сағаты – «Отан сүю – отбасынан басталады» Бүгін гимназияда «Адал азамат» бағдарламасы аясында «Отан сүю – отбасынан басталады» тақырыбында сынып сағаттары өткізілді. Мақсаты – оқушылардың бойында отбасына, туған жеріне, еліне деген сүйіспеншілікті арттыру, патриоттық сезім мен жауапкершілікке тәрбиелеу.

«Көмек» бағдарламасы аясында «Жер сілкінісі кезіндегі іс-әрекет тәртібі» тақырыбында сынып сағаттары өтті. Мақсат – оқушылардың төтенше жағдайлар кезіндегі қауіпсіздік ережелері туралы білімін арттыру, үрейге бой алдырмай, өзіне және өзгеге көмек көрсете білу дағдыларын қалыптастыру.

Сынып сағатында  оқушылар арасында «Жеке қауіпсіздік мәдениеті» тақырыбында сынып сағаттары өтті. Мақсаты – балаларға өз қауіпсіздігін сақтау, бейтаныс адамдармен, әлеуметтік желілерде және қоғамдық орындарда дұрыс әрекет ету ережелерін үйрету.Сабақ барысында оқушылар жеке шекара, өзін-өзі қорғау және сенімді ересектерге жүгіну маңыздылығы туралы пікір алмасты.Сондай-ақ интернеттегі қауіпсіз мінез-құлық, жеке мәліметтерді қорғау және достық қарым-қатынаста әдеп сақтау жайлы талқыланды

Бүгін  гимназияның 5-сынып оқушылары қазақ музыкасының аңызы – Нұрғиса Тілендиев мұражайына танымдық саяхат жасады. Оқушылар ұлы композитордың өмірі мен шығармашылығымен танысып, оның домбыралары мен қолжазбаларын тамашалады. Мұражай қызметкерлері оқушыларға ерекше әсер қалдырған қызықты деректер айтып, шығармашылық рух сыйлады. Осындай танымдық саяхаттар арқылы жас ұрпақтың ұлттық өнерге деген сүйіспеншілігі мен рухани мәдениеті арта түседі.

ҚР Мемлекеттік егемендігі туралы декларациясының 35 жылдығына орай 10-сынып оқушылары арасында «Қазақстан – менің болашағым» атты танымдық квест-ойыны өтті. Ойын барысында оқушылар топпен жұмыс жасап, еліміздің тарихы, егемендікке қол жеткізу жолы және Тәуелсіз Қазақстанның жетістіктері туралы тапсырмаларды орындады.  Шараның мақсаты – оқушылардың отансүйгіштік рухын көтеру, ел тарихына деген қызығушылығын арттыру және өз елінің болашағына жауапкершілікпен қарауға тәрбиелеу.

📅 Іс-шараның басты мақсаты – оқушылар арасында салауатты өмір салтын дәріптеу, тәртіпке, сергектікке және ұйымшылдыққа тәрбиелеу. 🌞 Таңғы жаттығу оқушылардың белсенділігін арттырып, күнді жақсы көңіл-күймен бастауына ықпал етті. Барлық сыныптар белсене қатысып, бірлік пен сергектіктің үлгісін көрсетті! 📍 Игі бастама алдағы уақытта да өз жалғасын табады.

2025 жылдың 29 қыркүйегінде сағат 08:00-де Ш.Уалиханов атындағы №12 мамандандырылған гимназиясында 9-сынып оқушыларына арналған “КӨМЕК” бағдарламасы бойынша оқу сабағы өтті. Сабаққа Төтенше жағдайлар министрлігінің маманы қатысты. Іс-шара Zoom платформасы арқылы онлайн форматта өткізілді. Барлық 9-сынып оқушылары онлайн дәріске белсенді қатысып, қажетті ақпаратпен

11сыныппен өткізілген “Менің Отаным – Қазақстан» біріңғай сынып сағатында  «Адал азамат», «КӨМЕК» бағдарламасы, ерлік сабағы қамтылды. Сабаққа 18272 әскери бөлімінің арнайы операция күштерінен полковник Е.А. Усманов, майор Ж.Е. Утешев, капитан А.С. Темірбаев қатысып, Отанды қорғаудағы ержүректік, батылдық, сабырлық туралы тағылымды ойларымен бөлісті. Отанды қорғау – әр азаматтың қасиетті парызы! Елін сүйген ерлер – жастарға өнеге!