Гимназияда өткен ата-аналар жиналысында балалардың өмірі мен денсаулығын сақтау мәселелері басты назарға алынды. Жиын барысында суға шомылу кезіндегі қауіпсіздік ережелері, мектеп ауласындағы қауіпсіздік шаралары, сынбайтын әйнектер орнату сынды өзекті тақырыптар талқыланды.                    

Отбасы – әр адамның ең алғашқы мектебі. Ал сол мектептің мұғалімі – Ана. Оның мейірімімен, ақылымен, жылулығымен әрбір бала ер жетіп, болашаққа сеніммен қадам басады. Отбасы күні – тек жақындарымызға емес, ең алдымен анамызға алғыс айту күні.                    

Гимназиямыздың оқушылары «Мейірімді қақпақ» челенджіне белсене қатысып, әлі де өз үлестерін қосуда. Бұл бастама – тек пластик қақпақ жинау ғана емес, қоршаған ортаға жанашырлық пен көмекке мұқтаж жандарға мейірім танытудың жарқын көрінісі. Жас ұрпақтың мұндай белсенділігі — үлкендерге үлгі, болашаққа сенім!

Құттықтаймыз!!! Түркістан облысы, Түлкібас ауданында өткен «Тоғызқұмалақ федерациясы кубогіне» арналған III республикалық ашық турнирде 9 жас ұлдар арасында өткен бәсекеде Дүйсен Нұрасыл пен Елетай Ғибадат III орын иеленіп, арнайы диплом және 30 000 теңгелік сертификатпен марапатталды! Бұл жеңіс – ұлттық ойынды ұлықтап, білім мен ойлау қабілетін дамытудың жарқын үлгісі! Оқушыларымызға жаңа белестер мен үздік жетістіктер тілейміз!