“Мен Отанымды қорғаймын” эссе байқауы  Ұлы Жеңістің 80 жылдығына орай гимназиямызда  5-8 сынып оқушылары арасында эссе байқауы өтті! Оқушылар Отанға деген сүйіспеншілігін, ерлік пен патриотизмді, бейбіт өмірдің қадірін жүректерінен шыққан сөздермен жеткізді.    Біз әрқашан бейбітшілік үшін күрескен батырларымызды ұмытпаймыз! Болашақ – біздің қолымызда!

       Бүгін 9-11 сынып гимназия оқушылары Қаныш Сәтбаев атындағы университетте өткен кәсіптік бағдар беру шарасына қатысып, болашақ мамандықтарымен жақынырақ танысты.  Заманауи зертханалар мен технологиялық орталықтарын  тамашалады. Бұл шара оқушыларымыздың кәсіби бағдарларын анықтауға, дұрыс шешім қабылдауға үлкен үлес қосты деп сенеміз. Оқушыларымыздың болашағына жол ашатын жаңа мүмкіндіктер көп болсын!

  ​https://www.instagram.com/reel/DFfOy0AMD0r/?igsh=MXVoc3FvZGQ2ZDZ0cQ==​​​

Ақпан - Жасампаздық және жаңашылдық айы Апта дәйексөзі “Шығармашыл бала - ойлы бала”  Сынып сағатында  оқушыларымыз еліміздің Әнұранын орындап,  рухани серпін алды.  “Көмек” бағдарламасымен жалғасып, “Цифрлық әлемде қауіпсіз қадам”— цифрлық ортада қауіпсіздік ережелерін түсіндіріп, онлайн әлемдегі негізгі қауіп-қатерлерге қарсы тұру жолдары қарастырылды. Балалардың белсенділігі мен шығармашылық қабілеттері ерекше байқалып, әр тақырып олар үшін маңызды білім көзіне айналды.

Мектебімізде “Әркімнің дауысы маңызды: демократиялық қоғамдағы сайлаудың рөлі” атты бірыңғай сынып сағаты өтті. Оқушылар сайлаудың маңыздылығы мен әр азаматтың өз елінің болашағына әсер ету мүмкіндігі жайлы пікір алмасты. “Біз бәріміз өз болашағымызды бірге қалыптастыратын жандармыз! Әр дауыс-өзгеріске жол ашады” ​https://www.instagram.com/reel/DFm-oLcNXNc/?igsh=MTdhMjlnYjJuM2Jw

Бүгін мектебімізде 3,5-6 сынып оқушыларына құқықтық сауаттылықты арттыру мақсатында мектеп инспекторы Н.Е. Махимов түсіндірме жұмысын жүргізді.  Кездесу барысында:  - Өз құқықтары мен міндеттері түсіндірілді;  - Қауіпсіздік және мінез-құлық ережелері айтылды;  - Әлімжеттік жасамау, бір-бірін құрметтеу және достық қарым-қатынасты сақтау қажеттігі түсіндірілді. Балалардың қауіпсіз, мейірімді ортада дамуына қолдау көрсетейік!