02
сәуір
2022
Жолдаудың негізгі басымдықтарын әріптестеріміздің арасында түсіндіру мақсатында, гимназиямыздың тарих пәнінің мұғалімі Ауылбай Нұржан
2022 жылғы 16 наурыз күні Қазақстан Республикасының Президенті Қ.К.Тоқаевтың Қазақстан халқына арнаған “Жаңа Қазақстан: жаңару мен жаңғыру жолы” атты Жолдауы жарияланған болатын.
Мемлекет басшысының Жолдауы еліміздің таяу жылдарға арналған әлеуметтік-экономикалық даму жолын айқындайтын стратегиялық маңызы бар құжат.
Осыны ескере отырып, Жолдаудың негізгі басымдықтарын әріптестеріміздің арасында түсіндіру мақсатында, гимназиямыздың тарих пәнінің мұғалімі Ауылбай Нұржан мекемеде іс-шара ұйымдастырып, ақпаратты толықтай жеткізіп, хабарлады.
Жалпы, Мемлекет басшысының Жолдауында айқындалған бастамалар еліміздің саяси жүйесін және әкімшілік-аумақтық құрылымын барынша өзгертуге бағытталған. Қасым-Жомарт Тоқаевтың айтуынша, аталған бастамаларды іске асыру үшін Конституцияға 30-дан астам өзгертулер енгізіледі.
– Қызметіме түрлі адамдардың беретін бағасынан гөрі, мемлекетімізді қорғап қалу – мен үшін аса маңызды міндет. Осы жолда жауапкершіліктің бәрін мойныма алуға дайынмын! – деп түйіндеді Мемлекет басшысы.